Os Teixugos, segundo mellor club na IV Copa Galega de Promoción de Slálom en Dumbría

14/08/2024

Os Teixugos seguen a recoller éxitos alá onde van, conseguindo o pasado sábado facerse con varias medallas e rematar en segunda posición na clasificación final por clubs da Copa Galega de Promoción en Dumbría.

En canto á participación do club, que estaba formada por quince pequenos e pequenas deportistas, tamén rematou con grandes resultados a nivel individual, rematando a xornada con tres ouros, unha prata e un bronce.

A encargada de abrir a competición foi Nerea Álvarez, na categoría de C1 Infantil, conseguindo acadar finalmente o cuarto lugar.

No que respecta ao K1 Infantil Masculino, este tivo moita representación do club; Iván Cruz rematou cuarto, Izan Vicente, sexto, Alejandro Barreiro, sétimo, Leo Álvarez, noveno e Xián Pérez décimo.

 En K1 Benxamín Masculino, Roque Olveira foi o gañador da proba, conseguindo unha medalla de ouro, e o seu compañeiro Brais Vicente quinto.

 Na categoría de K1 Alevín Masculino, Lois Montenegro acadou a medalla de bronce e Martín Vicente foi sétimo.

 En K1 Infantil Feminino, Leila Álvarez conseguiu a medalla de prata ao rematar segunda, Nerea Álvarez foi cuarta, Catalina Sánchez sétima e Beatriz Sánchez oitava.

 No relativo a Alevín Feminino, Rita Olveira gañou con claridade, acadando a medalla de ouro.

E xa a última medalla da xornada foi para a teixuguiña máis nova, Iria Álvarez, que rematou en primeira posición na categoría de K1 Prebenxamín Feminino.

 Deixando a un lado os bos resultados obtidos, sen dúbida a principal finalidade destas competicións é a promoción deste deporte e fomentar a actividade física entre os máis novos, unha lección que ben seguro aprenderon os quince nenos e nenas do Club Deportivo Miño que se desprazaron ata Dumbría.

The post Os Teixugos, segundo mellor club na IV Copa Galega de Promoción de Slálom en Dumbría appeared first on Concello de Tomiño.